Nye elevar kan søkje om plass i kulturskulen gjennom det elektroniske søknadsskjemaet på første side. Eleven blir då registrert og står på kulturskulen si venteliste. 

Søkjarar som får plass vil ved oppstart i august vil få tilsendt informasjon på e-post. Søkjarar som ikkje får plass blir ståande på ventelista og blir kontakta så snart det er ledig plass på faget. 

Hovudopptaket er i juni månad, men elevar kan få plass fortløpande dersom nokon sluttar i løpet av eit semester. Dersom du får plass og tek imot, må du binde deg til eit halvt år. 

Alle elevar må re-registrere elevplassen sin kvar vår for å få fortsette til hausten på det tilbodet dei har. Melding om dette vil bli gitt frå administrasjonen i god tid før fristen går ut. 

Prisar på ulike tilbod finn du fremst i søknadsskjemaet og på kommunen si heimeside. Elevavgifta vert fastsett av kommunestyret kvart år og gjeld frå 01.01. Elevpengane skal betalast for kvart semester. Rekninga vert sendt frå økonomiavdelinga i Stad kommune. Betalingsfrist er 20. november og 20. mars. 

Elevane må binde seg for eit halvt år. Utmeldinga må skje skriftleg innan påmeldingsfristen for kvart semester, dvs. 1. juni og 1. desember.  For dei fleste vil dette skje i reregistreringsprosessen som vi køyrer kvar vår i april månad. Ynskjer du å melde deg ut av kulturskulen skal dette gjerast av føresett ved skrifteleg e-post til kulturskulen. Utmeldingsfrist for vårsemesteret er 1. desember og for haustsemesteret 1. juni. Melder du deg ut etter fristen må du vere budd på å betale heile eller delar av semesteravgifta.

Kulturskulen følgjer skuleruta til grunnskulen. Elevane har undervisning ein gong per veke. Ved oppstart av skuleåret er det timeavtale med alle lærarane. Desse tidene gjeld for heile skuleåret. 

Elevane på musikkavdelinga får 20 minutt undervisning per veke. Elevane på dei andre disiplinane får gruppeundervisning som kan variere frå 45-90 minutt per veke. 

Kulturskulen har utleigeinstrument; strykeinstrument, gitarar og tverrfløyter (kr 640 per semester). Når elevane skal ha strykeinstrument i full storleik, må dei rekne med å kjøpe eige instrument. Utgifter til strengar og anna utstyr må eleven dekke sjølv. 

Spelar du piano eller eit anna instrument ein ikkje kan leige, er det ein føresetnad at du har tilgang til tilfredsstillande øvingsinstrument.

Spelar du korpsinstrument, og er anten aspirant eller med i eit korps, får du  som regel leige/disponere instrument av det aktuelle skulekorpset.

Elevane/ føresette er ansvarlege for skadar på kulturskulen sine instrument, eller anna utstyr, som skuldast aktløyse. 

Det er ikkje innført kostymeavgift for danseelevane pr. i dag, men dei må pårekna å sjølve dekke alt dei treng av standard utrustning som dansesko, toppar, tights o.l. Meir spesifikke kostymer vil ein kunne låne av kulturskulen. Desse må sjølvsagt leverast inn igjen etter bruk.

Musikkelevane må sjølve kjøpe det dei treng av notar og anna utstyr til undervisninga, i tillegg til felleskostnad musikk per semester på kr 180,- . Dei elevane som tek undervisning innan visuell kunst, må betale materialavgift som dekkjer papir, blyantar, fargestiftar, måling og anna materiell (kr 380,- pr. semester).

Kontinuerleg kontakt mellom kulturskule og heim om utviklinga, trivselen, frammøtet og øvingsinnsatsen er avgjerande for utviklinga og framgangen til eleven.

Lærarane i kulturskulen skal gje jamlege tilbakemeldingar til dei føresette. Nye elevar på individuelle tilbod får kvart år tilbod om ein utviklingssamtale. Føresette til alle elevar kan ta kontakt med læraren om dei ønskjer ein lengre utviklingssamtale. Lærarane kan også invitere elevar og føresette til ein samtale ved behov.

Nye elevar på individuelle tilbod får kvart år tilbod om ein utviklingssamtale

Speedadmin er eit webbasert og interaktivt administrasjonsprogram som nyttast i Stad kulturskule. Speedadmin nyttast også som ein kommunikasjonsplattform mellom lærar, føresett og elev. I læringsplattformen kan ein finne lekse, instruksjonsvideoar, vedlegg og lydfiler. Her kan ein og skrive chat til læraren. Læraren får e-post varsel når eleven sender ein chat. Føresette får e-post varsel når læraren sender ein chat, eller legg inn ei ny lekse i læringsplattformen.

Appen SpeedAdmin kan både føresette og elevar laste ned. Her har ein tilgang til chat og læringsplattform utan å måtte logge seg på kvar gong.

Fråvær skal meldast av føresette i Speedadmin-appen. 

Last ned appen SpeedAdmin, vel Stad kulturskule, logg på med bank-id eller etterspør log-in informasjon om du ikkje har Bank ID.

Inne i appen:

Om du har fleire barn i kulturskulen, vel barnet det gjeld.

Trykk på "Timeplan" nede til venstre.

Trykk på den aktuelle timen i timeplanen.

Oppe til høgre kan ein trykke "Meld fråvær"

Her kan ein og skrive grunn for fråværet. Læraren vil få varsel om fråværet på e-post og i appen.

Føresette vil bli kontakta om eleven ikkje har møtt fram til undervisninga tre gongar på rad, eller har hatt mykje fråvær over ein periode. Dette gjeld også dersom eleven sjølv har gjeve beskjed om fråværet og eleven er under 18 år. Dersom ein undervisningstime blir avlyst av eleven eller føresette har eleven ikkje rett til å få timen igjen

Kulturskulen nyttar SMS-varsling/e-post ved avlyst undervisning. Melding om avlyst undervisning vil ikkje bli gitt på anna måte.

Ved bortfall av timar grunna lærar sitt fråvær, får du fråtrekk i elevkontingenten om meir enn tre timar i eit semester har gått ut utan at det er sett inn vikar.

Dersom eleven får kulturskuletimen sin i løpet av skuledagen, er det dei føresette som har ansvar for å gje beskjed om eleven ikkje har høve til å møte til timen. Dersom eleven ikkje kan møte til timen grunna aktivitetar på skulen, har dei føresette rett til å få frådrag i elevbetalinga. Dette gjeld timar som overstig dei tre timane som kan falle bort per semester. Eventuelt må undervisningstimen til eleven endrast i samråd med dei føresette.

Når ein elev skal være med på ei utstilling, ein konsert eller ei framsyning, vil eleven få skriftleg invitasjon til denne; anten på timen, eller på e-post/sms til føresette. Det er viktig at læraren får beskjed med det same om eleven ikkje har høve til å delta. På denne måten kan læraren planleggje framsyninga og eventuelt inkludere andre elevar. Stad kulturskule har som mål at alle elevar skal få tilbod om å vere med på ei framsyning ein gong per semester.

Stad kulturskule ønskjer å fremme ein positiv og støttande konsertkultur der alle i publikum lyttar og ser på elevane heilt til konserten/framsyninga er slutt. 

Forventing om god framferd

Vi møter til kvar time.
Vi møter presis.
Vi tek med notar og instrument.
Vi held orden på lekser og informasjon.
Vi prøvar så godt vi kan å øve jamleg. 
Vi seier i frå til lærar om vi tykkjer noko er vanskeleg.
I gruppeundervisning høyrer vi på felles beskjedar frå læraren.
Vi viser respekt for medelevar og lærarar.