• styrar og varastyrar må ha bestått kunnskapsprøve i alkohollova for å kunne søke om skjenkeløyve
• dagleg leiar må ha bestått etablerarprøva for å kunne søke om serveringsløyve
• styrar og varastyrar må vere over 20 år
• styrar og varastyrar må vere tilsett på staden eller arbeide der i kraft av eigarstilling
• det er krav om uklanderleg vandel 

Det kan ta opptil tre månader før du får svar på søknaden din. Søk difor i god tid før oppstart. Søknaden blir sendt til politiet, skatteetaten og sosialtenesta for uttale, deretter blir søknaden behandla politisk i kommunen. 

Elektronisk søknadsskjema 

Vedlegg du må ha med i søknaden 

• firmaattest for alle selskap som er involvert i drifta. Last ned firmaattesten frå altinn.no
• foretaksregisteret si rolleoversikt for fysiske personar som eig meir enn ein tredel av føretaket og for føretaket sin daglege leiar. Last ned rolleoversikta frå altinn.no
• skatteattest for driftsselskapet. Du kan bestille skatteattesten på altinn.no
• planteikning med avmerking for inne- og uteservering
• prøvebevis frå kunnskapsprøve om alkohollova som stadfestar at styrar og varastyrar har greidd prøva
• konseptutgreiing: opplysningar om kva slag skjenkestad det er, målgruppe, opningstider, eventuell underhaldning eller anna verksemd i tilknyting til skjenkestaden
• prøvebevis frå etablerarprøve for dagleg leiar
• dokumentasjon på serveringsløyve

Det er gratis å søke om skjenkeløyve.

Alkohollova

Alkoholforskrifta

Serveringslova