Deling av eigedom

Dersom du ønskjer å dele frå ein del av eigedomen din slik at denne delen får eige gards- og bruksnummer, må du søkje kommunen om løyve til deling av eigedom. Om det gjeld overføring av areal mellom to eigedomar, sjå grensejustering eller arealoverføring.

Kven kan søkje?

Kva kostar det?

Ved deling av eigedom må du betale gebyr både for handsaming av søknaden etter plan- og bygningslova, matrikkellova og i nokre høve også etter jordlova. I tillegg kjem tinglysingsgebyr på 525 kroner per dokument som vert tinglyst.

Deling av eigedom
Delingssøknad	Pris
Deling i regulert område	4 400
Tillegg per eining	2 200
Deling per eining utanfor regulert område (område sett av til bygningar og anlegg eller LNF)	6 600

Handsaming av søknad etter plan og bygningslov

Deling av eigedom
Oppretting av grunneigedom og festegrunn	Gebyr
Areal frå 0 – 400 m2	15 600
Areal frå 401 – 1500 m2	22 800
Areal frå 1501 – 3000 m2	26 400
Frå 3001 – 5000 m2	30 000
Over 5000 m2	34 800

Handsaming etter matrikkellova

Deling av eigedom
Antal tomter	Rabatt
Ved samtidig oppmåling av 2 til 5 tilgrensande tomter eller eigarseksjonar	10 % per eigedom
Ved samtidig oppmåling av 6 til 15 tilgrensande tomter eller eigarseksjonar	15 % per eigedom
Ved samtidig oppmåling av fleire enn 15 tilgrensande tomter eller eigarseksjonar	20 % per eigedom

Rabatt ved fleire tomter samtidig

Slik søkjer du

Send nabovarsel

Du kan bruke skjema for nabovarsel frå Direktoratet for byggkvalitet. Naboane skal ha kopi av søknaden og vedlegga du sender til kommunen.

Fristen for å kome med merknadar til nabovarselet må vere gått ut før du kan sende inn søknadsskjemaet til handsaming. Utfylt gjenpart av nabovarselet med kvittering skal leggast ved søknaden.

Fyll ut og send inn søknadsskjema

Fyll ut søknad

Send til post@stad.kommune.no eller Stad kommune, Rådhusvegen 11, 6770 Nordfjordeid.

Hugs at du må legge ved følgjande vedlegg:

Kart som viser kva grenser du ønskjer for parsellen
Gjenpart med kvittering for nabovarsel
Grunngjeving av dispensasjonssøknad dersom delinga er i strid med gjeldande planar

Kva skjer vidare?

Etter at kommunen har gjeve løyve til deling av eigedomen, vert det halde oppmålingsforretning med møte i marka. Alle involverte partar får skriftleg varsel seinast 14 dagar før oppmålingsforretninga. På oppmålingsforretninga vert eksisterande grenser klarlagt og nye grenseliner påvist og merka. Dei nye eigedomsgrensene vert ført i matrikkelen, saka vert tinglyst og du får tilsendt matrikkelbrev for eigedomen.

Etter at parsellen er frådelt og har fått sitt eige gards- og bruksnummer, er det eigar av avgjevareigedomen som står som eigar av den nye eigedomen også. Dersom du ønskjer å føre over den nye eigedomen til ein annan, må du fylle ut eit skøyte. Skøyte til utfylling finn du her. Les meir om å tinglyse eit eigarskifte hos Kartverket.