Skulefritidsordninga (SFO) er eit frivillig aktivitetstilbod for barn i 1.–4. klasse, og for barn med særskilde behov i 1. –7. klasse før og etter skuletid.
Barna disponerer sjølve tida på SFO innafor gjevne rammer. Tilbodet skal legge til rette for utvikling og læring gjennom leik, kulturaktivitetar, leksearbeid og samhandling med andre barn.
Organisering og innhaldet i SFO vil variere litt frå skule til skule alt etter kor mange barn som er med på ordninga.Det må vere påmeldt minimum 6 barn for at ordninga kan opprettast og drivast ved den enkelte skule.
Stad kommune har SFO-tilbod på: Stårheim skule, Haugen skule, Hjelle skule, Nordfjordeid skule, Selje skule, Flatraket skule og Stadlandet skule. Du kan ta kontakt med skulen om du har spørsmål om det enkelte SFO-tilbodet
Søknadsfrist
Det er høve til å søkje om plass gjennom heile skuleåret. Eleven kan då starte på SFO 3 veker etter innsendt søknad.
For barn i 5.–7. klasse med særskilde behov, må du legge fram sakkunnig vurdering. De må kontakte skulen før de søkjer plass til elev med særskilde behov
SFO i haust og vinterferien
Ved behov kan skulane ha tilbod om SFO i feriar. Dette tilbodet gjeld ei veke før skulestart i august og onsdag, torsdag og fredag både i haust- og vinterferien.
SFO er open kl. 07.30 – 15.30 i feriar, men det må vere minst tre påmelde kvar dag.
Det er eigne betalingssatsar for SFO-tilbod i skuleferiar
For påmelding til SFO i haustferien er fristen 16. september. Påmeldinga er bindande.
Søk plass på SFO i haustferien her