Stad kommune leiger inn eksterne entreprenørar til kostearbeidet. Det er mange vegar, gangvegar og plassar som skal kostast, og arbeidet tek derfor noko tid.

Prioritering av kosting

Vi kostar vegane i denne rekkefølgja:

1. Hovudvegar og gang- og sykkelvegar i sentrumsområda
2. Område rundt dei mest brukte kommunale bygga
3. Ruter som blir nytta av 17. mai-paradetog i bygdene
4. Andre kommunale vegar og plassar i bygder og tettstader

Kva betyr dette for deg?

Kostebilen rekk ikkje overalt på same tid.  - Det kan derfor gå litt tid før din veg eller plass vert kosta. Vi ber om forståing for dette.

For å gjere arbeidet raskare og meir effektivt, oppmodar vi om at bilar ikkje vert parkerte langs vegen når kosting pågår.

Tidsrom

Kostearbeidet startar normalt tidleg på våren, så snart ver- og føreforholda tillet det, og kan vare i fleire veker.

Har du spørsmål?

Dersom du har spørsmål om kosting av kommunale vegar eller plassar, kan du ta kontakt med Stad kommune via servicetorget, tlf. 57 88 58 00.