KS - 25/103 Vedtak:
Detaljreguleringsplan for Stad molo og Leikanger indre hamn vert vedteken i samsvar med plan og bygningslova § 12-12. Administrasjonen får høve til å gjere administrative endringar i plandokumenta før kunngjering av planvedtak.

I samsvar med pbl. § 12-12 er grunneigarar og andre varsla ved brev.  Planvedtaket blir kunngjort i Fjordabladet og Fjordenes Tidende. 

Den vedtekne reguleringsplanen er straks bindande for framtidig arealbruk i området.

Saksdokument

Plandokumenta med alle vedlegg er tilgjengeleg på følgjande lenke: Møte i Stad kommunestyre, 19.06.2025 Sak KS-25/103

Plandokumenta vil innan kort tid også vere tilgjengelege på https://kommunekart.com/klient/stad/stadinnbyggar

Eventuell klage

Kommunestyret sitt vedtak kan påklagast, jf. plan- og bygningslova §§ 1-9 og 12-12 og forvaltningslova kapittel VI. 

Fristen for å klage på vedtaket er tre veker frå det tidspunktet melding om vedtaket er kome fram til vedkomande part, jf. forvaltningslova § 29, og er sett til 14.07.2025.

Ei eventuell klage må merkast med sak «22/1878», og sendast skriftleg via sikker digital post, per e-post til post@stad.kommune.no eller per post til Stad kommune, Rådhusvegen 11, 6770 Nordfjordeid.

Etter at klagefristen er ute, vil vi orientere partar som saka får direkte konsekvensar for og regionale myndigheiter om eventuelle innkomne klager på vedtaket.

Erstatning/innløysing

Krav om erstatning etter plan- og bygningslova § 15-2 og krav om innløysing etter den same lova § 15-3, må fremjast tre år etter at reguleringsplanen er kunngjort.