Dronning Sonja kjem til Nordfjordeid 4. oktober!Hennar Majestet Dronning Sonja kjem til Opera Nordfjord onsdag 4. oktober for å vere til stades på urpremieren av musikalen Soga om Sol av Gisle Kverndokk og Øystein Wiik i Operahuset Nordfjord på Nordfjordeid. - Det er ei stor ære og glede å kunngjere at Hennar Majestet Dronning Sonja kjem til Opera Nordfjord onsdag 4. oktober for å vere til stades på urpremieren av musikalen Soga om Sol av Gisle Kverndokk og Øystein Wiik i Operahuset Nordfjord på Nordfjordeid, seier ein stolt operasjef, Kari Pavelich, i ei pressemelding. Det er dobbel glede å kunne melde at H.M. Dronninga òg vert årets operautstillar i Kulturhuset Gamlebanken, med eiga utstilling som opnar på ettermiddagen same dag. - Både Opera Nordfjord og Kulturhuset Gamlebanken gleder seg stort til Dronning-besøk i operahuset og kunstgalleri, og ser fram til ein glad festdag for heile Stad Kommune der vi saman feirar kunst og kultur i fleire former, avsluttar Arve Espe, dagleg leiar i Kulturhuset Gamlebanken. Publisert 02.05.2023 15.33 Sist endra 02.05.2023 16.12