Ønskje

På eit overordna plan er innspela relatert til ønskje om å setje i gang tiltak for å utvikle bygdene; skape aktivitet og inkludere, sette fokus på miljø og ikkje minst gjere det attraktivt å bu i Stad. Det kom fleire innspel om at ein ønskjer eit sterkare samarbeid og samhandling mellom og på tvers av diverse lag/organisasjonar og kommunen. «Alt kan løysast i fellesskap, saman er vi sterke» vart det skrevet på Mentimeter. Det kom innspel om at ein ønskje felles møte/sosiale treff for samarbeid og idémyldring, samt oppdaterte samarbeidsavtalar med kommunen.

Når det gjeld økonomi kom det innspel om at ein ønskjer å oppretthalde og utvikle aktivitet gjennom økonomiske støtteordningar. Det er i dette høve ønskeleg med ein oversikt over eksisterande støtteordningar, over kven som kan søke og over korleis søknadane skal skrivast. Relatert til søknadsprosessane vart det ytra ønskje om meir støtte frå administrasjonen. Det vart og fremja eit ønskje om å kunne søke midlar til påbegynte prosjekter, finansiering av driftskostnadar frå forsamlingshus og finansiering av nødvendige oppdateringar i kyrkjer og kyrkjelydshus. Vidare vart det nemnt at ein ønskjer å vidareføre det gode samarbeidet med kommunen gjennom finansiering av nye anlegg og drift, og gjerne få på plass avtalar om fast kommunal støtte til drift for at ein skal kunne vedlikehalde og utvikle anlegg på ein slik måte at dei møter dagens krav. Det vart og fremja eit ønskje om gratis leige av grunn, idrettsanlegg og hall (Eid idrettshus og Eidahallen vart nemnt spesifikt). Eit innlegg foreslo å få implementert ein Booking-løysing som gjer det mogleg for ikkje organisert idrett å leige idrettsanlegg.

Dei frivillige organisasjonane fremja ønskje om å vere ein viktig ressurs for bygda gjennom å løfte fram gode verdiar og menneskeverd ved å tilby eit variert, inkluderande og tilrettelagt aktivitet- og kulturtilbod. Eit ønskje om fleire medlemmar kan sjåast i samanheng med utfordringane knytt til rekruttering og demografi. Det nemnes at ein ønskjer å verve folk til frivilligheit for at dei skal kunne oppleve dei gode biverknadene eit inkluderande og sosialt fellesskap kan skape. Det kom innspel om at ein ønskje uteområda tilpassa alle funksjonsnivå, tilrettelagte aktivitetar for menneske i institusjonar, fleire familieaktivitetar, leksehjelp, opplæring i data og sosiale media, turområde liknande Trivselsskogen og eit tilrettelagt handballag. Røde kors kom og med eit ønskje om å få fleire frivillige menn då det er behov for menn til å besøkje andre menn. Det er og verdt å merke at fleire poengterte at ein treng fleire vaksne frivillige til ungdomsarrangement.

Informasjonsformidling og marknadsføring av aktivitetar går og igjen som ein utfordring. Det kom innspel om at ein ønskjer å auke synleggjeringa (Fjordly og 4H nemnast spesifikt) gjennom små innslag i avisa, felles aktivitetskalender og/eller Stad foreningsportal. Det vart ytra ønskje om ein tverrkommunal publiseringskanal der ein kan leggje ut aktivitetstilbod for å få folk frå andre kommunar til å delta. Det er viktig at informasjonen når ut slik at fleire får vite kva laga/organisasjonane jobbar med og for.

Frivilligheita ønskjer å bidra samfunnet ved å svare til eit eksisterande behov. Ein behovskartlegging kan krevje kompetanse ikkje alle lag/organisasjonar innehar, her vart behov for dirigentar og ønskje om samarbeid med kulturskulen nemnt spesifikt. Relatert til behovskartlegging kom det innspel om at ein ønskjer ein oversikt over kontaktpersonar for alle frivillige og kva dei kan bidra med på tvers. Fleire lag og organisasjonar foreslo faste møtepunkt og god informasjonsflyt som hjelpsamt for å synleggjere behov samt andre lag/organisasjonars arbeid. Eit slikt samarbeid kan og gjere det lettare å organisere aktivitetar for barn og flyktningar utan at det kostar ein formue. Stryn mental helse spesifiserte eit ønskje om samarbeid for å bryte tabuet rundt psykisk helse.

Vedrørande aktivitetstilbod kom det fram at ein i dag har fleire tilbod i regi av frivillige lag/organisasjonar og at nokre tilbod har og blitt så populære at det er behov for fleire instruktørar, slik som for eksempel sterk og stødig gruppa. Vidare kom det innspel om at ein ønskjer at alle eininga inkluderast, ikkje berre dei i sentrum. Det kom og innspel om at ein ønskjer å leggje til rette for at flest mogleg kan få glede av naturen ein har og skimoglegheiter m.a. gjennom eit samarbeid med BUA.  Det kom og innspel om at ein ønskjer treffpunkt for eldre, møteplassar og ungdomsklubb for barn og unge, fleire arenaer for inkludere flyktningar, fotballhall, fleirbrukshall, symjebasseng og oppbevaringsplass for utstyr.

Infrastruktur vart og nemnt. Relatert til dette kom det innspel om at ein ønskjer tryggare skuleveg, gatelys, skredsikring av fylkesveg, eit betre transporttilbod, merking av stiar og bustadutvikling.

Utfordringar

Det kom heile 50 innspel relatert til rekruttering og verving av medlemmar. Det vart nemnt at det i dag er vanskeleg å få med både yngre deltakarar og foreldre til frivillig arbeid, og at det utfordrande å engasjere til dugnadar og verv internt i lag/organisasjonar. Fleire aldrande medlemmer dannar føringar for kva organisasjonane kan tilby og gjer framdrifta vanskelegare. I samsvar med frivilligheita kom det og innspel om at kommunen og har utfordringar med personalmangel.

Ei anna utfordring som går igjen er finansiering av prosjekt og drift. Det kom inn heile 14 innspel om at økonomi er ein utfordring, spesielt nemnt var dei høge kostnadane av straum, forsikring og vedlikehald. Her vart søknadsprosessane knytt til økonomiske midlar og støtteordningar dratt fram. Det vart og nemnt som utfordrande at ein ikkje kan søke om midlar til aktivitetar som alt er påbegynt men berre til oppstartsprosjekt.

Informasjon om aktivitetar og tilbod nemnast som ein utfordring då det er krevjande å nå ut med informasjon. Dette medfører manglande kjennskap i befolkninga om kva tilbod som finst og kva frivillige lag og -organisasjonar kan tilby. Frivilligheita ønskjer å spele på lag med kommune og andre for å imøtekome eksisterande behov, i dag er ein ikkje klar over kva behov som eksisterer og tilbodet er difor ikkje alltid tilpassa dette. Det kom innspel om at det er ein utfordring å få nok spelarar på kvart lag og at dyr halleeige føre med seg høgare kontingent som igjen kan vere ein faktor som hindrar born og unge frå å delta aktivt. Det vart og nemnt at det er utfordrande å halde ungdommen i korpset. Avslutningsvis kom det innspel om at ustabile snøforhold er ein utfordring som medfører behov for utviding av snøproduksjonsanlegget.

Når det gjeld offentlege prosessar kom det innspel om at ein opplever dei kommunale prosessane relatert til utvikling og nybygg som langdryge. Det kom innspel om at statsforvaltarens rolle i prosessar utgjer ei utfordring. Vidare kjem det fram at kollektivtilbodet er for dårleg og at dette er eit til hinder for dei som ønskjer å delta på frivillig arbeid men ikkje har lappen. Tid er også noko fleire nemner at dei ikkje har nok av.   

Saman er vi sterkare vart det skrevet i Mentimeter. Dette samsvarar godt med dei 43 innspela som nemnar samarbeid på tvers av lag/organisasjonar, og mellom kommunen og lag/organisasjonar, som ein faktor for å kartleggje behov og løyse utfordringar i lag. Gjennom nærare samarbeid kan ein få lagd ein arena for idémyldring, planar, logistikk, felles aktivitetskalender, felles kurs, effektiv bruk av ressursar, betre formidling av informasjon, rekruttering, møteplassar og sambruk av idrettsanlegg og andre bygg nokre som løyser fleire av dei nemnte utfordringane. Det kom og eit forslag om å lage eit felles styre, tilsvarande idrettsstyret, for ulike organisasjonar som kan handtere dei litt tyngre oppgåvene, søknadane og arrangement. Betre samarbeid kan potensielt effektivisere drifta ved at ein m.a. får fleire å spele på både ressursar og kunnskap og at ein får kjennskap til kvarandre sine behov og moglegheiter. Samarbeid kan og bidra til å løyse nokre av utfordringane relatert til organisering av transport, økonomi, drift og bruk av bygningar, arrangement og behov for nye bygg slik som ein fotballhall. Dersom lag/organisasjonar har dei same behova kan det vere hensiktsmessig at ein står saman ved førespurnadar til det offentlege/politikken.

Medlemsrekruttering nemnast som ein utfordring ein bør møte i lag ved å for eksempel lage ein felles læringsbase for erfaringar med rekruttering, eller eit frivilligregister der folk kan melde interesse om dei ønskjer å engasjere seg. Det kom og innspel om at fleire vegrar seg for å delta i frivillig arbeid då det krevjar meir og meir kompetanse. Det var difor foreslått kursing i korleis vere ein leiar og drive eit lag. Det er og viktig å sjå kva ressursar ein har i pensjonistar og barn og unge. Aktive pensjonistar er ein ressurs, tilsvarande er barn og ungdom som m.a. kan ha digital opplæring for eldre.

Økonomi vart trekt fram som ein overordna utfordring hos lag og organisasjonar. Det kom innspel om at organisasjonar kan søke midlar i lag, arrangere aktivitetar og støtte aktivitetane på tvers av organisasjonar for å nå fleire. Relatert til dette nemnar ein at Stad kommune er flinke til å hjelpe til med spelemiddelsøknadar, men at det er behov for ytterlegare opplæring for søkarar til både spelemidlar og andre støtteordningar. Det kom ønskje om at dette for eksempel kan gjerast gjennom felles kurs/seminarhelg for frivillige og ein tydeleg oversikt frå kommunen over kva ordningar som finst.

Det finst mange frivillige organisasjonar i Stad og elles som legg ned eit formidabelt arbeid. Det er difor desto viktigare å få ut informasjon om organisasjonane og kva arbeid dei legg ned og gjerne lage eit felles  årshjul/aktivitetskalender. Eit slikt årshjul kan og gjere det enklare å koordinere trening- og aktivitetstider slik at det er mogleg å delta på fleire aktivitetar ved ønskje. Det kom innspel om at organisasjonane må samarbeide om å følje kvarandre sine Facebook sider, like og dele innlegg frå andre organisasjonar og ikkje minst framsnakke kvarandre. Informasjon om aktivitetar og førespurnadar bør informerast om via barnehage, skule eller arbeid. I det høve er det og viktig at tenesta som barnevern og integrering veit kva tilbod som finst og vidareformidlar dette til barn og vaksne. Foreningsportalen er eit viktig samarbeid mellom lag/organisasjonar og kommunen for å få ut informasjon om tilskotsordningar og aktivitetstilbod. Hjartestad og foreningsportalen bør nyttast aktivt av alle lag, her vart og aktivitetsvennar.no nemnt. Eit anna forslag var å ha ein felles presentasjon av organisasjonane i lokalavisa i samarbeid med kommunen og parallelt legge presentasjonane ut på kommunens heimeside. Det vart informert om at fleire vegrar seg for å ta på seg verv i frivillige organisasjonar, samarbeid om å få til ei positiv endring er difor nemnt som viktig for frivilligheita.

Aktivitetar står sentralt i dei fleste lag og organisasjonar noko som gjer resultat for talet innspel som relaterer til aktivitetar og rammar for aktivitetar slik som bygningar. Det kom innspel om at ein kan arrangere felles aktivitetar og turar, språk-kafé og felles treffpunkt for framandspråklege, internasjonal årleg bygdefest, familieaktivitetar, internasjonal leir på Fjordly, leir/kurs i samarbeid med DPS, arrangement som ivareteke natur og plantar og ikkje minst samarbeid om å leggje til rette for aktivitet og skape ein følelse av fellesskap. Her trekk ein spesielt fram dei mentale helsegevinstane ved eit inkluderande fellesskap som kan hjelpe innbyggarar ut av einsemd. Vidare kom det forslag om at barnehagar som ikkje er i sentrum kan få besøk av eldre då språkutveksling, kulturutveksling, mm. kan vere gjevande for alle partar. Det kom og ønskje om auka ressursar til kulturskulen for å kunne skape kulturtilbod og aktivitetar som for eksempel demenskor. Det kom eit forslag om å ha all fritidsaktivitet rett etter skulen, eit slikt omveltingsprosjekt ville redusert transporttid og gitt meir familietid på ettermiddagane, men det krevjar mykje omvelting og finansiering, og bistand frå næringslivet er ein føresetnad for at det skal kunne gjennomførast. Vidare kom det innspel om at ein ønskjer aktivitetar i kvar krins fram til ein viss alder, med Eid idrettskrets som rettleiar, og eit godt samarbeid mellom krinsane. Det vart også foreslått at spesifikke interesseorganisasjonar, som til dømes autismeforeininga, kan bidra andre lag/organisasjonar med kunnskap, midlar og liknande.

I nokre høve er anlegg ein føresetnad for aktivitet. Det kom innspel om at ein bør bruke idrettsrådet under prioritering av anlegg og utvikling slik at det vert mogleg å kombinere idrettar. Anlegg tilpassa fleire generasjonar, behov og idrettar (fleirbruksanlegg) kan føre til høgare finansiering gjennom at fleire aktørar bidrar med finansiering og ved at ein kan søke på fleire støtteordningar. Eit anna innspel gjekk på meirbruk av eksisterande anlegg slik som Firda kaserne.

Når det gjeld bistand frå det offentlege kom det innspel om at ein ønskjer meir bistand frå Vestland fylkeskommune, til dømes gjennom eit betre kollektivtilbod. Det kom innspel om ein kommunal aktivitetsbuss med rimeleg leige som lag/organisasjonar kan nytte som transport til aktivitetar. Det kom og innspel om at det er ønskeleg at Stad kommune informerer om kva dei kan bidra med i planprosessar og at ein ønskjer at kommunen hjelper helse- og utdanning meir enn turismen. Det kom og ønskje om at kommunen i større grad inkluderer dei frivillige i planprosessar.

Totalt sett er det viktig at ein ser verdien av alt frivillig arbeid som blir lagt ned, ikkje minst skapt. Det kom innspel om at ein ønskjer å ha ein bygdevandring for å bli kjent med bygdene, ref. prosjekt Stad 2020. Gjennom å for eksempel filme bygdevandringa kan ein potensielt nå ut til fleire, og filmen kan nyttast til seinare informasjon. Avslutningsvis kom det innspel om at frivilligkveld er eit godt arrangement som ein ønskjer å vidareføre med gjennomføringar i dei ulike bygdene.