Miljøfyrtårnsertifisering av Stad kommune Klimaendringar er vår tids største utfordring, og behovet for synlege verkemiddel i klimapolitikken er veksande. Miljøfyrtårn er eit konkret og effektivt verktøy for sertifisering og miljøleiing, der føremålet er å heve miljøprestasjonane i eigen verksemd. Dette inneber sertifisering av all kommunal verksemd. I fyrste omgang er det rådhuset på Eid og kommunehuset i Selje som skal sertifiserast. Miljøfyrtårnsertifiseringa tek for seg et bredt spekter av tema, som arbeidsmiljø, innkjøp, energi, transport og avfall. Vi ønskjer å få ei betre miljøleiing i Stad kommune ved å oppdatere eksisterande rutinar, samt få inn nye rutinar for å tenkje miljø i arbeidskvardagen. Målet er å redusere klima- og miljøbelastning og spare kostnadar. Stad kommune skal vere god rollemodell for lokalt næringsliv, organisasjonsliv og befolkning. Å inngå i sertifiseringsordninga Miljøfyrtårn vil òg sikre at reiselivsnæringa kan knytte seg til merkeordninga for berekraftig reisemål. Arbeidet startar hausten 2023, og vi gler oss til å kome med fleire spennande oppdateringar på vegen inn imot det grøne skiftet. Publisert 04.10.2023 11.37 Sist endra 04.10.2023 11.39