​

Bustadområdet Bråtet. Plankart til førstegongs høyring og offentleg ettersyn

​Føremålet med planen

Føremålet med planarbeidet er å planlegge etterbruk for delar av planområdet for   Massetak i Vedvikmona, plan ID 2001017», frå 18.12.2002. I tillegg er eit tilgrensande  areal, B19, som ligg inne i kommuneplanen sin arealdel teke med for å oppnå gode samanhengande løysingar totalt for området. Planforslaget legg til rette for etablering av totalt 38 bueiningar. Utbygginga er foreslått som blanding av firemannsbustadar, tomannsbustadar, og einebustadar. Maksimal tillaten mønehøgd er 9 meter. Det blir lagt til rette for snarvegar/gangvegar, felles leikeareal, felles parkering og felles  renovasjonsløysing.

Offentleg ettersyn
Offentleg ettersyn skal sikre at offentlege organ, naboar, interesseorganisasjonar og andre får høve til å uttale seg om planforslaget før endeleg vedtak.

Meir informasjon

Saksutgreiinga, plandokument, tilhøyrande rapportar og vedlegg finn du på høyringssaka:

Detaljregulering for bustadområde Bråtet

Du kan òg kome innom rådhuset på Nordfjordeid og få utskrift av dokumenta der.

Merknad til planforslaget

Du har høve til å kome med skriftleg uttale til planforslaget, til dømes om arealbruk, omsyn eller andre relevante opplysningar. Send uttale via innspelsskjema på lenkja over.

Alternativt kan du sende uttale på e-post til post@stad.kommune.no, eller på papirpost til Stad kommune, Rådhusvegen 11, 6770 Nordfjordeid.

Frist for å kome med uttale er 25.08.2023.