Om “Strategisk utvikling av Nordfjordeid mot 2045”
Strategidokumentet skildrar den langsiktige utviklinga av kommunesenteret i Stad kommune, og skal identifisere og mobilisere til ei felles retning for Nordfjordeid framover mot 2045. Overordna innsatsområde og strategiske plangrep skal gje klare føringar for det seinare arbeidet med arealplanar og utviklingsprosjekt. Strategidokumentet definerer seks prioriterte innsatsområde og arealstrategiar for ulike funksjonelle delområde på Nordfjordeid.
Strategiane er overordna og skal fungere som ei ramme, men kan ikkje legge juridisk bindande føringar for enkeltareal og eigedomar. Arealbruken blir først juridisk bindande gjennom arealplanar, det vil seie kommuneplanens arealdel og reguleringsplanar (områderegulering og detaljregulering).
Sjå strategidokumentet her:
Strategisk utvikling av Nordfjordeid mot 2045
Stad formannskap handsama forslaget i møte 28.11.2024, sak F-24/173, og gjorde følgjande vedtak:
- Forslag til «Strategisk utvikling av Nordfjordeid mot 2045» vert lagt ut på høyring som den ligg føre.
- Stad formannskap tek kunnskapsgrunnlaget «Nordfjordeid – plangrep, fortettingsanalyse og handelsanalyse» og «Handels- og næringsanalyse for Nordfjordeid» til vitande.
- Det må leggast til rette for å kunne forflytte seg i Nordfjordeid sentrum med betre merka gangfelt og kantar, lyssetting, skilting og vegdekke tilrettelagt for rullestol/ rullator. Dette er særleg viktig i senterkjernen.
Punkt 3 i vedtaket er innarbeidd i dokumentet som er på høyring.
Utfyllande informasjon om prosessen kan finnast her:
Ope møte i januar
Stad kommune inviterer til eit ope møte på rådhuset der vi vil informere om strategiane, og det vert høve til å stille spørsmål.
Ope møte 9. januar kl. 17:30-19:30
Sei di meining!
Vi ynskjer skriftlege uttaler til strategidokumentet innan høyringsfristen 20. januar 2025, på ein av følgjande måtar:
NB: Uttaler merkast med saksnr. 24/4807.
Du kan òg kome med synspunkt og kortfatta kommentarar i dette spørjeskjemaet.
Vidare handsaming
Når høyringsfristen er ute vil kommunedirektøren gå gjennom alle innkomne uttaler og vurdere desse. Eventuelle justeringar vil verte gjort før strategidokumentet vert lagt fram for endeleg politisk handsaming og vedtak i kommunestyret.