Demenskoordinator

Demenskoordinator er kommunen sin ressursperson med spesialkompetanse på demens. Koordinatoren følger opp personar med demenssjukdom og deira pårørande, i alle fasar av sjukdomen.

Kontakt med demenskoordinator er eit lågterskeltilbod. Det betyr at du ikkje trenge tilvising eller treng å søkje for å ta kontakt med demenskoordinator. Alle som har spørsmål eller behov for å snakke om demenssjukdom kan ta kontakt.

Tilbodet er gratis.

Kva er demens og kvifor er utgreiing viktig

Demens er ei fellesnemning for fleire kroniske sjukdomar som rammar hjernen. Sjukdomane utviklar seg over tid og kan føre til endringar i mellom anna: 

  • hukommelse 
  • språk 
  • konsentrasjon 
  • personlegdom og veremåte 


Demens påverkar etter kvart evna til å fungere i dagleglivet. 

Mistanke om demens?

Dersom du opplever minnevanskar hos deg sjølv eller nokon nær deg, er det viktig å få dette undersøkt. Tidleg utgreiing kan gi: 

  • rett diagnose 
  • tryggleik for pasient og pårørande 
  • moglegheit for tidleg oppfølging og tilrettelegging 


Utgreiing vert oftast gjort av fastlege i samarbeid med hukommelsesteamet, og i nokre tilfelle i spesialisthelsetenesta. Det er viktig å finne årsaka til symptoma, uavhengig av om dei skuldast demens eller annan sjukdom. 

Korleis kan demenskoordinatoren bidra?

Demenskoordinator er utdanna sjukepleiar med vidareutdanning og erfaring innan demensomsorg. Rolla er å vere kontaktperson for personar med demens og deira pårørande. 

Demenskoordinator skal bidra til å: 

  • vere bindeledd mellom person med demens, pårørande og hjelpeapparatet 
  • leie og delta i hukommelsesteamet 
  • sikre systematisk og planmessig demensomsorg i kommunen 

Kva gjer koordinatoren?

  • gjev støtte, råd og rettleiing til personar med demens og pårørande 
  • har oversikt over kommunale tilbod og tenester 
  • samarbeider med kommunen sine tenester, spesialisthelsetenesta og frivillige 
  • arrangerer pårørandeskule 
  • er ein ressursperson for innbyggarar og tilsette i kommunen  

 

Hege-Anita Nesbø er demenskoordinator i Stad kommune. Ho gjev hjelp og oppfølging i alle fasar av sjukdommen, både til den som er ramma og til pårørande. 

Hege-Anita har kontor på rådhuset på Eid, og kan kontaktast på telefon og e-post. 
Telefon: 949 74 130 E-post: hege-anita.nesbo@stad.kommune.no  

Portrett Hege Anita Nesbø - Klikk for stort bilete

Tenestetilbod 

Infohefte

Infobrosjyre pdf printversjon (PDF, 596 kB)

Bilde viser forside av brosjyre om demenskoordinator - Klikk for stort bilete

Nyttige lenkjer

Tilbod til unge pårørande

Publisert 07.05.2026 09.37
Sist endra 08.05.2026 13.52

Kontakt

Hege-Anita Nesbø
Demenskoordinator
E-post
Telefon 94 97 41 30