På Haugen skule ønskjer vi at alle – både små og store – skal trivast og kjenne seg trygge. Trivsel er grunnlaget for læring, og vi veit at når elevane har det godt, lærer dei best.
Å gå på skule og vere ein del av eit fellesskap skal vere kjekt, spanande og lærerikt – og av og til litt utfordrande. Derfor har vi fokus på å vere inkluderande, omsorgsfulle, kjekke og respektfulle mot kvarandre.
Eit godt samarbeid mellom heim og skule er avgjerande for trivsel, utvikling og læring. Du som føresett kjenner barnet ditt best, og i god dialog med deg kan vi på Haugen skule best tilpasse og legge til rette for at barnet ditt skal ha det bra.
Barnet sitt beste står alltid i sentrum for arbeidet vårt.
Vi ser fram til eit nytt år der elevar, føresette og tilsette saman skaper eit skulemiljø prega av trivsel, læring, utvikling og godt samarbeid.