− Dette er ein svært alvorleg situasjon. Det kan bli flaum med store konsekvensar. Vi ser allereie at det har begynt å gå skred på Vestlandet, og det kan bli utfordrande å komme seg fram når regnet treff. Store skred kan nå bustadar, veg eller jernbane, seier Ivar Berthling, vaktsjef i NVE.
Det er meldt rødt flaumfarenivå i delar av Vestland fylke, og oransje nivå for delar av Vestland og Møre og Romsdal fylke, både onsdag og torsdag. Jord-, sørpe- og flomskredfaren er på oransje nivå for delar av Møre og Romsdal, Vestland og Rogaland fylke. Det er også rødt snøskredvarsel for delar av Sør-Norge.
Fleire vegar i Nordfjord er stengde grunna flaum, skred eller fare for skred:
E39/R15 Skredestranda ved Kongeneset (skred har gått)
Fv 615 Devik i Gloppen (skred har gått)
Fv 5723 Lodalen (Hogrenning-Bødal)
Fv 5724 Oldedalen (Sunde/Flåten-Rustøen)
Fv 5829 Otterdalsvegen
Statens vegvesen gjer ei ny vurdering torsdag.
Ber kommuner og befolkning om å ta førehandsreglar
Det er viktig at både privatpersonar og kommunar bur seg best mogleg, og tek førehandsreglar.
− Hald deg unna bratte skråningar samt bekkar og elveløp med stor vassføring. Og bruk gjerne tysdagen til å ta deg ei runde i hagen og nærområdet for å rydde stikkrenner, kummar og andre vassveg frie for grus, søppel, kvist og lauv. Flytt verdisaker vekk frå område som kan bli oversvømt. Dette gjeld også huseigarar med kjellarar som tidlegare har blitt oversvømt, seier Berthling.
NVE har sett beredskap og følgjer situasjonen tett i dialog med Meteorologisk institutt. Det er venta at flaum- og skredfaren avtek fredag morgon. Vassføringa vil halde seg høg i dei store vassdraga.
Sjå varslar på Varsom.no. og yr.no
Stad kommune følgjer situasjonen for farevarsel tett og gjennomfører operative samordningsmøte ved behov.
Vakttelefon:
Skulle det oppstå situasjonar kan Stad kommune/Kommunalteknikk nås på følgjande vakttelefonar:
Område ytre: tlf. 901 23 222
Område indre/midtre: tlf. 959 49 012
Døgnopne vakttelefonar Stad kommune
Råd til befolkninga
- Varsel på varsom.no (og yr.no) blir oppdatert jamleg. Følg med på situasjonen.
- Om du som privatperson er bekymra for situasjonen lokalt:
- ta kontakt med kommunen dersom du skal melde frå om ei hending
- kontakt politiet (112) dersom det er fare for liv og helse
- kontakt nettselskapet ditt eller fjernvarmeleverandør om du opplever straumbrot eller fjernvarmebrot
- Finn informasjon om situasjonen på vegar hos veitrafikksentralen
- Følg med i media og følg beskjedar frå politi, kommune og andre beredskapsaktørar
- Vi rådar alle til å halde seg unna bratt terreng, bekker og elveløp med stor vassføring
- Vi oppmodar folk om å vurdere kor mykje ein har behov for å reise, og vere ute
- Privatpersonar bør flytte eigedelar og opne vassvegar slik at vatn kan renne fritt
- Vi anbefalar alle om å følgje med på Varsom.no og følgje informasjonen som blir gjeve frå kommunen