• Manglar informasjon om biologisk mangfald og nøkkelbiotopar på/ved Nordfjordeid og i grøntområda. Mellom anna Osøyrane.
  Svar Stad kommune: Ikkje gjort eiga kartlegging av naturmangfald i samband med strategien. Samd i at dokumentet manglar litt informasjon om kva naturkvalitetar som finst. Naturkartlegging vert normalt utført i samband med arealplansaker, og vi kjem også til å setje i gang med naturmangfaldplan som skal gi oss oversikt over kunnskap/kunnskapsmangel om naturmangfald i heile kommunen. Nyleg kartlagt ålegrasenger i indre del av Eidsfjorden.
• Det heiter Osøyrane, ikkje Sørøyrane. Ikkje bruk dette konstruerte namnet.
  Svar Stad kommune: Vi tek det med oss.
• Lotetunnelen: Teke strategien omsyn til framtidig endra trase for E39 og Lotetunnelen? 
  Svar Stad kommune: Det føreligg ikkje noko avgjersle om ny trase for Lotetunnelen, og derfor er det ikkje mogleg å ta omsyn til dette i strategidokumentet. Det er heller ikkje sett i gang konkrete prosjekt for realisering av ny trase for E39.
• Ein del spørsmål om 1 km med kultur: Kven er opphavet, kva betyr dette?
  Svar Stad kommune: Uttrykket er nytta av Geir Holmen. Definert i strategidokumentet: «Ein kilometer med kultur» er både eit konsept og ei kulturløype, som strekker seg på langs av Nordfjordeid sentrum frå Operahuset via garden Myklebust og gravhaugane, Eidsgata, Tverrgata og Yris Hotell til Eksersisplassen og Jektehola ved Eidselva.
  Replikk frå deltakar : Opphavleg frå Yris hotell til kyrkja gjennom Eidsgata. Uttrykket vart lansert i samband med tidlegare prosjekt  for kultur i Nordfjordeid sentrum, «VAKN». Prosjektet var 3-årig, gjennomført for 10-12 år sidan. Prosjektleiar Magni Hjertenes Flyum.
• Kva er definisjonen/avgrensinga av Nordfjordeid sentrum? Saknar ein samanhengande plan for heile Nordfjordeid sentrum og at det ikkje vert oppstykka. Burde ta med området ut til Skårhaugneset og få betre samanheng i sentrum.
  Svar Stad kommune: Strategidokumentet er eit forsøk på ein heilskapleg plan. Innsatsområda skal gjelde for heile Nordfjordeid. Tek med oss innspelet.
•  Kvifor er det lagt opp til 4 etasjar + saltak i sentrumskjernen? Utløyser krav om sprinkling osv. som blir dyrt å bygge og gir høg kvadratmeterpris på bustader.
  Svar Stad kommune: Meininga er at dette skal indikere ei makshøgde – ikkje at det må byggast 4 etasjar. Skal sjå om formuleringa treng justering. Bakgrunnen for forslaget er at ein må opp i ei viss høgde for at kostnadane ved utbygging kan forsvarast, og at det vert mogleg å tene inn kostnadane ved utbygging. Må vurderast i kvar enkelt sak (detaljregulering).
•  Skjønar ikkje argumenta for at det ikkje er behov for fleire bustadfelt i randsona. 
   Svar Stad kommune: Fortettingsanalysen viser at det er stort potensiale for fortetting også til bustader i sentrum, og at potensialet er høgare enn forventa folketalsvekst. I tillegg har vi store tomtereservar til bustad i allereie regulerte bustadfelt.
   

Deltakar 1
Mange gode element i planen. Fornøgd med det som gjeld bustad, fortetting….. Ikkje så fornøgd med det som handlar om næring og parkering.
Fortel litt historie: Eidsgata var hjartet i sentrum før. Det fungerte bra. Bilane stod i kø. Alt liv og røre var i Eidsgata. Forholda i gata blei kaotiske. Derfor innførte ein einvegskøyring og parkering langs gata. Maurstadparken og Almenningen vart etablerte som parkar/grøntområde, og hadde yrande liv fordi det var naturlege målpunkt rundt: Apotek, daglegvare, butikkar osv. Når desse forsvann, forsvann også aktiviteten i Maurstadparken.
Ikkje etabler ein ny park som fører til lite aktivitet. Det må vere aktivitet rundt i form av velfungerande butikkar. 
Snakkar om problematikk rundt parkering. Spesielt når det skal kome mange nye boligar. Han forstår ikkje korleis ein skal betre næringslivets forhold-> Næring aukar behovet for parkering.
Han ser på reduksjon på parkeringsplassar som negativt. Planen tar ikkje nok hensyn til at Eid skal vere eit regionssenter i framtida. Parkeringshus er ein utopi ifølge han. Parkeringshus er ikkje lønsamt seier han.  

Deltakar 2
Vil fokusere på det som handlar om byforming og sjøfront. Uferdig i dag. Stort potensiale i å utvikle meir bymessig sjøfront. Meiner at Stad kommune bør invitere til arkitektkonkurranse for fjordbyen Nordfjordeid. Dette må skje i forkant av reguleringsplanar. Vi må sjå litt vidare enn berre frå Almenningen til Sagaparken. Nordfjordeid sin sjøfront er ikkje fin, ikkje tiltalande, med unntak av Sagaparken. Det ligg stort potensiale i sjøfronten som kan gjere Nordfjordeid til ein fjordby.

Deltakar 3
Nordfjordeid som regionssenter. Fylkeskommunen peika ut Eid som regionssenter. Eid kommune vedtok utruleg nok at dei ikkje ville blir regionsenter, og at det skulle vere «nullvekst».
Vi bør ha som mål at Eid skal vere ei regionssenter. Meiner det vil bli folketalsvekst i sentrum, og at det er naturleg at det blir ei sentralisering mot Eid. Folk forventar å bygge einebustadar dersom dei flyttar til Eid. For å få folk til å kome tilbake til Eid må ein legge til rette for at dei kan bygge einebustadar. 
 

Dette liker eg godt:

•  Fjordfronten må prioriterast
• Prioritere å gjere fjordfronten tilgjengeleg på ein langt betre måte i dag
• Ta vare på dei kulturhistoriske verdiane i Eidsgata gjennom god og tilpassa arkitektur
• Fortetting bustad. Bruke arealet på ein “lur måte”. Nytenking. 
• Beste bevaring/ utvikling /tilpassing i å tilrettelegge for brukar

Dette liker eg mindre godt:

• Gjere fjordfronten meir tilgjengeleg. Må omfatte frå ytre Skårhaug til Hammaneset. Ikkje kloakkreinseanlegg i dette området. Mel må kome med under sentrum
• Det vil også i framtida vere behov for nye bustadfelt i randsona. Eid har vore gode på dette før, og bør halde fram slik.
• Prioritere elvesti langs Eidselva
• Arealdelen sentrum må reviderast frå yte Skårhaug til Hammaneset. Sjåast som ein samanheng
• Stadig spørsmål om å få kjøpt båtplass frå folk som vurdera å flytte til Eid.  Havnekapasiteten er oppfylt.
   

Andre innspel:

• Avgiftsfri parkering viktig for å trekke kundar utanfrå!
• Legge til rette for einebustadar
• Ein heilskapleg plan for fjordfronten er heilt nødvendig