Mange foreldre synest det er utfordrande å gje barna sine tryggleik og god oppvekst. Foreldrerettleiingskurset Circle of Security (COS), trygghetssirkelen, skal gje foreldre verktøy for å betre forstå kva behov barna har, kva signal dei gir og kva vi kan gjere for å møte desse behova betre.
Målet med kurset
Målet er at barnet ditt skal få hjelp til å kjenne seg trygg og stå sterkare rusta til å møte utfordringar ein møter i livet. Kurset kan også bidra til eit godt samspel mellom deg og barna dine.
![](/handlers/bv.ashx/i81a2bf94-b4d6-471f-ae3b-d6f608820803/w1200/q1475/k269398d9f6e4/trygghetssirkelen-full.jpg)
Påmelding, tid og stad
For påmelding, ring helsestasjonen 57 88 58 00 eller sende epost til britt.aslaug.tomasgard@stad.kommune.no
Lurer på om dette kurset er noko for deg? - Ring gjerne og drøft det med oss.
Vi tilbyr gruppekurs to gongar i året med oppstart etter vinterferien og haustferien. Kurset går over 6 kvelder, 1,5-2 timer kvar gang. Kurset er gratis.
Kursplan vår 2024:
Eid helsestasjon (PDF, 199 kB) - Oppstart 26.02.2024
I Selje vert det COS-P kurs hausten 2024
I kurset snakker vi om
- Trygghetssirkelen hjelper oss til å sjå kva behov barna har for foreldrestøtte både når dei utforskar verda og når dei opplever vanskelege følelsar.
- "Vere saman" i tryggleikssirkelen. Barn lærer og utviklar seg i samspel med foreldre. Samspelet er grunnleggande for korleis barn utviklar trygg tilknytning følelsesmessig.
- Vegen til tryggleik. Din tilgjengeleegheit som forelder påverkar barnet ditt sin måte å formidle følelsar og behov.
- Vanskelege situasjonar. Vi vil gje dykk som foreldre nokre reiskap til samspel mellom dykk og barna når situasjonan kjem ut av kontroll. Vi ser på balansen mellom det å vere tydeleg og samtidig vere ein god forelder.
- Foreldrene sine eigne erfaringar. Nokre gongar har vi vaksne erfaringar frå eiga fortid som gjer at reaksjonar i notid kan bli "større" enn nødvendig. Vi vil gje dykk nokre reiskapar som kan hjelpe å handtere dette.
Kven kan vere med?
Foreldrerettleiingsskurset er for foreldre med barn mellom 4 månadar og 6 år.
Meir info om kurset
COS - Video, engelsk
COS (DOCX, 451 kB)- brosjyre