KS - 25/064 Vedtak: Detaljregulering for bustad Skårhaug, plan-ID 2023007, vert vedteken med heimel i plan og bygningslova § 12-12. Administrasjonen får høve til å gjere eventuelle administrative endringar før kunngjering av planvedtak.
Den vedtekne reguleringsplanen er straks bindande for framtidig arealbruk i området.
Saksdokument
Planen består av følgjande plandokument:
Vedtaket og alle saksdokumenta frå handsaming i Stad kommunestyre 7. mai er tilgjengeleg her:
KS-sak 25/064 Detaljregulering for bustad Skårhaug - slutthandsaming og vedtak
Dersom de ønsker utskrift av eitt eller fleire av dokumenta, kan de kontakte Stad kommune på tlf. 578 85 800.
Eventuell klage
Kommunestyret sitt vedtak kan påklagast, jf. plan- og bygningslova §§ 1-9 og 12-12 og forvaltningslova kapittel VI. Ei eventuell klage må merkast med sak «23/3232», og sendast skriftleg via sikker digital post, per e-post til post@stad.kommune.no eller per post til Stad kommune, Rådhusvegen 11, 6770 Nordfjordeid.
Fristen for å klage er tre veker frå det tidspunktet melding om vedtaket er kome fram til vedkomande part, jf. forvaltningslova § 29. Etter at klagefristen er ute vil vi orientere forslagsstillar, partar som saka får direkte konsekvensar for, og regionale myndigheiter om eventuelle innkomne klager på vedtaket.
Klage på planvedtak vil bli handsama av kommunestyret og deretter sendt over til Statsforvaltaren i Vestland, som er rette klageinstans.