Strategisk plan for Nordfjordeid

Stad kommune er i sluttfasen med arbeidet med ein strategisk plan for Nordfjordeid. Gjennom den strategiske arbeidsprosessen har ein diskutert og avklart kva forhold og problemstillingar som ein må og kan løyse no, og kva type problemstillingar ein ikkje kan løyse no og som må løysast på eit seinare tidspunkt. Strategiarbeidet skal munne ut i eit plandokument som skal gi klare føringar for Nordfjordeid si strategiske utvikling og det seinare arbeidet med arealplanar for Nordfjordeid, inkludert eit nytt næringsområde i nærleiken av Nordfjordeid.

Status for planarbeidet

Ei administrativ prosjektgruppe har jobba med å utarbeide eit strategidokument basert på oppgåveutvalet sine diskusjonar og innspel frå anna medverknad. Det var gjennomført eit møte i oppgåveutvalet 21. august der dei jobba med utkast til strategiar og medverke til moglegheitsstudien som Norconsult har jobba med.

September 2024 leverte Norconsult ein moglegheitsstudie som femner om fortetting, volumstudie, fjordfronten og handels- og næringsanalyse. Moglegheitsstudien vart brukt som kunnskapsgrunnlag for utarbeiding av strategidokumentet. Det vart òg jobba vidare med skule- og idrettsområdet og inkludering av barn og unge.

Det er planlagt å gjennomføre eit sjette møte i oppgåveutvalet 4. november, der høyringsutkast til “Strategisk utvikling av Nordfjordeid mot 2045” vert presentert og drøfta. Strategidokumentet vert lagt fram til politisk behandling i november, og deretter lagt ut på høyring. Høyringsperioden vil vere ein viktig fase i arbeidet med strategien, der alle aktørar og innbyggjarar kan kome med sine synspunkt og meiningar. Når høyringsfasen er gjennomført vil administrasjonen gå gjennom merknadane og legge fram oppdatert dokument til endeleg vedtak til kommunestyret.

Arbeidsprosessen

Heile arbeidsprosessen blir dokumentert og gjort tilgjengeleg gjennom ei kartfortelling (Storymap). Kartfortellinga inneheld informasjon om framveksten til tettstaden Nordfjordeid og gir ei oversikt over dei kunnskapsgrunnlaga som er utarbeidd over tid, knytt til sentrumsutvikling og arealbruk. Kartfortellinga er ei levande side, som blir oppdatert undervegs i heile planprosessen.

Kartfortelling om Nordfjordeid sentrum

Politisk forankring

Kommunestyret i Stad gjorde i møte 18. juni 2021, sak KS-21/086, vedtak om å starte opp eit strategisk utviklingsarbeid for Nordfjordeid sentrum. Utfyllande informasjon med tilhøyrande bakgrunnsdokument er å finne her.

Det er gjort fleire kommunestyrevedtak i tilknyting til denne saka. Desse er:

Sak KS-23/030: Finansiering av områdeplan Nordfjordeid
Sak KS-21/035: Informasjon om utførte moglegheitsstudiar og sak om prosessen vidare
Sak KS-21/143: Utviklingsprosjekt Nordfjordeid sentrum - organisering
Sak KS-22/078: Vedtak om midlar til arbeid med nytt sentrumsnært næringsareal
Sak KS-22/103: Mandat for oppgåveutval - Strategisk plan for Nordfjordeid
Sak KS-22/150: Val av medlemmer til oppgåveutval
Sak KS-23/027: Vidareføring av utval i samband med strategisk plan for Nordfjordeid

Medverknad

Stad kommune ønskjer at mange stemmer skal bli høyrde i samband med arbeidet med ein strategisk utviklingsplan for Nordfjordeid sentrum. Aktiv deltaking er viktig for lokaldemokratiet, for lokal samfunnsutvikling og for å få ein god plan. Det vert difor lagt opp til ulike former for medverknad i arbeidet. Innbyggjaranes tilbakemeldingar vil bli brukt til å kartlegge problemstillingar og tema som blir viktige å løyse i ein eller fleire nye arealplanar for Nordfjordeid, i tillegg til å utvikle mål og strategiar for ønska nærings- og samfunnsutvikling.

Nokre aktivitetar er allereie planlagt medan andre vil kome til etter kvart. Les meir om medverknadsprosessane her:

Medverknad

Oppgåveutval

Stad kommunestyre har oppretta eit mellombels utval beståande av kommunestyrerepresentantar og representantar frå næringslivet på Nordfjordeid, som saman skal setje fokus på framtidig, berekraftig næringsutvikling på Nordfjordeid. Les meir om oppgåveutvalet her:

Oppgåveutval